Një raport i shërbimeve sekrete gjermane (BND) pretendon se Presidenti Kinez Xi Jinping i ka kërkuar personalisht Drejtorit të Përgjithshëm të Organizatës Botërore të Shëndetësisë, Tedros Adhanom ‘të vonojë një paralajmërim global’ për kërcënimin e COVID-19 gjatë një bisede në janar, raporton Dailymail.
Raporti është publikuar nga Der Spiegel, që i referohet Shërbimit Federal të Inteligjencës, i njohur si ‘Bundesnachrichtendienst’ (BND).
“Më 21 janar, udhëheqësi i Kinës Xi Jinping kërkoi nga shefi i OBSH-së Tedros Adhanom Ghebreyesus të mbajë informacione rreth një transmetimi nga njeriu te njeriu dhe të vonojë një paralajmërim pandemik”, shkruan Der Spiegel, duke iu referuar BND.
“BND vlerëson se politika e informacionit e Kinës, humbi katër deri në gjashtë javë për të luftuar virusin në të gjithë botën”, thuhet më tej në artikull.
OBSH lëshoi një deklaratë menjëherë pas publikimit të pretendimeve, duke i quajtur ato ‘të pabaza dhe të pavërteta’.
“Dr Tedros dhe Presidenti Xi nuk folën më 21 janar dhe ata kurrë nuk kanë folur me telefon. Raporte të tilla të pasakta shpërqendrojnë dhe dëmtojnë përpjekjet e OBSH-së dhe botës për t’i dhënë fund pandemisë COVID-19”, thuhet në deklaratë.
Në vijim thuhet se “Kina konfirmoi transmetimin nga njeriu te njeriu të koronavirusit më 20 janar [para bisedës telefonike të pretenduar].
“OBSH deklaroi publikisht në 22 janar se ‘të dhënat e mbledhura … sugjerojnë që transmetimi njeri-tek-njeri po zhvillohet në Wuhan”, thuhet në reagim.
Nëse pretendimet do të ishin të vërteta, ato do të forconin pohimin e Presidentit Trump se OBSH është ‘qendra e Kinës’.
Në prill, administrata Trump pretendoi se OBSH po bëhej një mjet i ‘propagandës kineze’ dhe presidenti u zhvendos për të ndaluar financimin e organizatës.
