Qytetarja e cila mësohet se rezultoi pozitive me Covid-19 sot në Fier, mësohet se është bashkëshortja e farmacistit i cili rezultoi i infektuar me koronavirus dy ditë më parë.
Çifti i farmacistëve është transportuar me urgjencë drejt Infektivit. Sipas MSH, në këtë qytet janë 5 raste aktive me Covid-19.
Ndërkohë një tjetër farmacist dyshohet se është prekur nga koronavirusi. Mësohet se ai ka shfaqur shenjat e Covid-19, ndërsa i është nënshtruar testit.
Nga të dhënat e para mësohet se farmacisti është koleg me pacientin e prekur dy ditë më parë nga Covid-19, edhe ky farmacist i cili u infektua nga një grua shtatzënë, e cila kishte shkuar në farmaci për të blerë ilaçe.
Mësohet se dy farmacistët kanë pasur kontakte të afërta dhe ky është dyshimi i parë që mendohet se ai është infektuar.
