Kryeministri Edi Rama dhe Komiteti Teknik, në të cilin bëjnë pjesë edhe mjekë të njohur, këmbëngulin se koronavirusi ka hyrë në Shqipëri në muajin mars dhe jo në janar apo shkurt.
Pavarësisht se janë publikuar me dhjetra imazhe pulmonare që hedhin dyshime të forta se prania e virusit në Shqipëri ka qenë disa javë përpara se zyrtarisht të identifikohej si pacienti “0”, ato nuk pranohen si raste me Covid, por klasifikohen si grip.
Ndërkohë një tjetër provë e fortë vjen nga gazetari Telnis Skuqi, i cili jeton në Norvegji. Në një postim në rrjet, ai tregon rastin e 5 shqiptarëve që kanë reyultuar pozitivë, por asimptomatikë. Ata kishin udhëtuar drejt Norvegjisë në muajin janar nga Shqipëria dhe kanë kërkuar azil në vendin skandinav.
Madje, Skuqi sqaron se për rastet e identifikuara në Norvegji është njoftuar edhe Ministria e Shëndetësisë në Shqipëri.
Postimi nga Telnis Skuqi
