Drejtuesi i Departamentit të Mjedisit në PD, Jamarbër Malltezi, ka publikuar një video me drurë të prerë nga mali i Lunikut.
Ai thotë se po kryhet një masakër mjedisore ndërkohë që asnjë nga ministrat e qeverisë nuk mban përgjegjësi.
“Masakër e sapokryer në Malin e Lunikut dhe sipër Kostenjës. Ku Inspektoriati i Pyjeve dhe Mjedisit? Ku Lleshaj kur maunet me dru lëvizin çdo ditë nga Luniku në Bizë e Tiranë? Ku Klosi që vetëmburret? A ka kush përgjegjësi për këtë masakër?
Zbret nga Luniku një lëpirës dhe zvarritet, lëpihet dhe ndan pazare me çdo bandit e drogaxhi dhe e pësojnë mushkritë e vendit. Inxhinierët e pyjeve janë të trishtuar dhe të papunë se e shkrinë fare shërbimin pyjor që ta kishin më të lehtë këtë vepër të rënde penale.
Policia ka fytyrën e Lleshajt, nuk vepron se ka frikë banditin, lëpirësin. Prokuroria kos po han. Krim pa ndëshkim!”, shkruan Malltezi.
