Kreu demokrat, Lulzim Basha, ndërsa foli mbi manipulimin që po i bëhet dokumenteve të tenderave sekret, tha se disa ditë më parë në katin 4-t të Ministrisë së Shëndetësisë, në zyrën e prokurimeve, ka rënë zjarr, pasi SPAK-u nisi hetimet.
“Ka rëne zjarri në katin e 4-rt, tek zyra e Prokurimeve në Ministrinë e Shëndetësisë para disa ditësh. Arsyeja kryesore përse Edi Rama nuk publikon, siç e ka për detyrë ofertat, kontratat e tenderave sekretë është sepse po manipulon të dhënat. Si duket nuk ia kanë dalë dot me manipulimin dhe i kanë vënë flakën”, shkruan Basha në rrjetet sociale.
Por, pas këtij demoncimi ka reaguar ministrja e Shëndetësisë, Ogerta Manastirliu, e cila ka mohuar një gjë të tillë.
“Nuk ka asnjë zjarr në Ministrinë e Shëndetësisë! Tymi i zjarrit imagjinar që po shihni dhe dëgjoni, del vetëm nga koka e kryetarit të PD. Dikush duhet t’i hedhë ujë në sy që ta zgjojë nga gjumi!”, shkruan Manastirliu.
