Eksperti i Shëndetit Publik, dr. Erion Dasho, përmes një postimi në rrjetet sociale, shprehet se debati mbi vaksinën kundër COVID dhe sidomos teoritë konspirative rreth saj, shkojnë paralelisht me një tendencë që, fatkeqësisht, ishte shfaqur vitet e fundit: tendenca për t’i parë vaksinat si të dëmshme.
Ndërsa rendit tre hapat, vaksinën, testet dhe mjekimin, Dasho shkruan se emëruesi i përbashkët i tre këtyre masave të tipit mjeksor është paraja DHE efektiviteti i dyshimtë, prandaj qytetarët (dhe jo vetëm) kanë të drejtë të bëhen dyshues.
“Për disa masa me efektivitet të dyshimtë, papritur nevojiten miliarda dhe miliarda. Ndërkohë, disa vende të përgjegjshme (dhe aspak të varfëra) treguan një model totalisht të ndryshëm duke u bazuar kryesisht tek masa shumë më të thjeshta, të lira dhe të provuara.
Suedia, Gjermania dhe disa vende të ngjashme me to zbatuan masa shumë të arsyeshme (asnjë kufizim i tepruar) dhe vendosën theksin tek përgjegjësia e individit, familjes dhe komunitetit. Natyrisht, në sajë të fuqisë ekonomike, ato nuk u kursyen edhe në masa si testimi, por bënë këtë në mënyrë shkencore dhe duke zgjedhur testet më të besueshëm në qarkullim.
Mendoj, se ndaj COVID, mbrojtja më e mirë dhe modeli më i mirë është ai që bazohet tek masa inteligjente që nuk ekzagjerohen, që respektojnë liritë njerëzore dhe bazohen tek përgjegjësia individuale”, shkruan Dasho.
Reagimi nga Erion Dasho
Debati mbi vaksinën kundër COVID dhe sidomos teoritë konspirative rreth saj, shkojnë paralelisht me një tendencë që, fatkeqësisht, ishte shfaqur vitet e fundit: tendenca për t’i parë vaksinat si të dëmshme.
Por njerëzit pa njohuri mjeksore nuk kanë faj. Përgjegjësia më e madhe bie mbi ata që popullarizuan dhe u morrën aq shumë me elementet mjeksorë të lidhur me përgjigjen ndaj COVID. Shihni një nga një:
1. Vaksina: prodhimi i një vaksine është një proces që zgjat dhjetëra vjet. Papritur njerëzit dëgjojnë se vaksina kundër COVID do të prodhohet për një vit, por kërkon miliarda dollarë.
2. Testimi: testet e para kishin një besueshmëri shumë të ulët dhe ishin shumë të shtrenjtë. Sot, besueshmëria është rritur ndjeshëm çmimi është ulur, por dyshimi mbetet pasi shumica e testeve në qarkullim vazhdojnë të kenë besueshmëri të ulët (deri në pikën ku nuk duhet lejuar të përdoren).
3. Mjekimi: shumë prova mjeksore nisën për medikamente të ndryshëm, disa pa asnjë lidhje logjike me sëmundjen dhe të nxitur vetëm nga observime të mjekëve apo spitaleve të veçantë. Ndërkohë, dihet se për shumicën e viruseve nuk ka medikamente specifike. Për ta bërë më komplekse situatën, disa nga këto trajtime kushtojnë mijëra dollarë për pacient.
Emëruesi i përbashkët i tre këtyre masave të tipit mjeksor është PARAJA DHE EFEKTIVITETI I DYSHIMTË, prandaj qytetarët (dhe jo vetëm) kanë të drejtë të bëhen dyshues. Për disa masa me efektivitet të dyshimtë, papritur nevojiten miliarda dhe miliarda…
ME SHUMË MUNDËSI, QËLLIMET PAS KËTYRE MASAVE JANË TË MIRA, POR MËNYRA E PREZANTIMIT ISHTE DIZASTROZE!!!
Ndërkohë, disa vende të përgjegjshme (dhe aspak të varfëra) treguan një model totalisht të ndryshëm duke u bazuar kryesisht tek masa shumë më të thjeshta, të lira dhe të provuara.
Suedia, Gjermania dhe disa vende të ngjashme me to zbatuan masa shumë të arsyeshme (asnjë kufizim i tepruar) dhe vendosën theksin tek përgjegjësia e individit, familjes dhe komunitetit. Natyrisht, në sajë të fuqisë ekonomike, ato nuk u kursyen edhe në masa si testimi, por bënë këtë në mënyrë shkencore dhe duke zgjedhur testet më të besueshëm në qarkullim.
Mendoj, se ndaj COVID, mbrojtja më e mirë dhe modeli më i mirë është ai që bazohet tek masa inteligjente që nuk ekzagjerohen, që respektojnë liritë njerëzore dhe bazohen tek përgjegjësia individuale.
NË FUND TË FUNDIT, ËSHTË THJESHT NJË SËMUNDJE SI MIJËRA TË TJERA DHE, ME SA KEMI PARË DERI TANI, JO EDHE AQ E RREZIKSHME SA U MENDUA NË FILLIM…
