U kap duke drejtuar mjetin në gjendje të dehur, por në automjet, gjatë një kontrolli, policia i gjeti edhe kokainë.
Një 30-vjeçar nga Vlora u arrestua nga policia e Fierit, e cila duket se nga kontrolli rutinë ka mundur të sekuestrojë edhe një sasi lënde narkotike, e ndarë në doza, të llojit kokainë.
“Shtetasi K.Ll., 30 vjeç, banues në Vlorë, u arrestua nga policia në kushtet e flagrancës.
Në lagjen “16 Prilli” Fier, ky shtetas është kapur duke drejtuar automjetin e tij në gjendje të dehur, dhe gjatë kontrollit në mjet, poshtë sediljes ju gjet dhe ju sekuestrua një sasi me lëndë narkotike e dyshuar Kokainë e ndarë në doza të vogla”, tha Policia.
Materialet i kaluan Prokurorisë pranë Gjykatës së Shkallës së Parë Fier për veprat penale “Prodhimi dhe shitja e narkotikëve” dhe “Drejtimi i mjetit në gjendje të dehur”.
