Kryeministri në detyrë i Kosovës, Albin Kurti, tha mbrëmjen e sotme se mocioni i mosbesimit erdhi nga LDK, partneri ynë në qeverisjen e vendit.
Kurti tha në Opinion se LDK ndërmori këtë veprim pasi u vu në krah të Presidentit Hashim Thaçi, i cili kërkoi vendosjen e gjendjes së jashtëzakonshme, dhe ne e kundërshtuam.
“LDK u bashkua me qëndrimin e Thaçit”, tha Kurti.
Në vijim ai sqaroi se LDK e kishte paralajmëruar daljen nga koalicioni, pasi e konsideronin të papranueshëm vendosjen e reciprocitetit me Serbinë.
Lidhur me qëndrimin e ambasadorit Grenell, Kurti tha se ai kishte më të rëndësishme kohën e arritjes së marrëveshjes mes Kosovës dhe Serbisë, se sa përmbajtjen e marrëveshjes.
“Unë kisha më të rëndësishme përmbajtjen e marrëveshjes dhe jo kohën se kur do të arrihej”, tha Kurti.
Ai tha se ne nuk mund të reduktojmë rolin e SHBA si një partner i rëndësishëm me rolin që luan një ambassador, apo një zyrtar.
“Grenell vinte si emisar, por ne kemi mbrojtur qëndrimet tona, ndërsa Ambasadori kishte një qëndrim identic me Beogradin përsa i takon taksës 100 %, por ne kërkuam marrëveshjen e reciprocitetit”, tha Kurti.
Kryeministri foli mbi dobësinë e disa zyrtarëve politikë në Kosovë, më konkretisht Hashim Thaçi, përballë Ambasadorëve.
