Ministri i Rindërtimit, Arben Ahmetaj, tha se humbjet brenda këtij viti parashikohen në rreth 1.3 mld dollarë, ose 8 % të GDP.
Në emisionin Opinion, Ahmetaj tha se kjo është një krizë ndryshe nga ajo e 2008, e cila ishte krizë financiare, ndërsa kjo e sotmja është paniku nga frika e rrezikut të Covid-19.
Ahmetaj tha se sot është goditur kërkesa, por edhe zinxhiri në tërësi.
“Hapja jonë do na lehtësojë disi, ndërsa hapja e vendeve të tjera, do na lehtësojë më shumë.
Konvergjenca në aspektin ekonoomik do na vijë pas 1 viti”, tha Ahmetaj.
Sipas tij, punësimi do të rimerret që në qershor.
“Në aspektin e punësimit do të kemi kurbën e V. Do të tregohemi të kujdesshëm me hapjen e turizmit, pasi ne kemi 85 % të turistëve nga rrugë tokësore.
Ne do të adaptojmë masat njëlloj si në vendet europiane. Do të bëjmë të pamundurën që most ë goditemi nga turizmi.
Punësimi do të ringrihet në shtator deri në 90 % të momentit të para krizës, ndërsa tempi ekonomik mendoj se rimerret në shkurt-mars të vitit tjetër”, tha Ahmetaj.
