Kryetarja e LSI-së, Monika Kryemadhi, e konsideroi si histori qesharake aludimet për një “dashuri” mes Presidentit Ilir Meta dhe Kryeministrit Edi Rama. Madje, Kryemadhi në një intervistë për TVT akuzon Ramën që në momentet e tij më të këqija nxjerr histori të tilla.
“Për politikë, unë më Ilirin, përsa i përket vendimeve të LSI mbajmë qëndrime komplet të kundërta.
Për sa i përket kodit penal e kam bërë të qartë, nuk e njoh sepse nuk njoh asnjë vendim të atij Parlamenti që ka vetëm 82 deputetë legjitimë.
Njerëzit mund të aludojnë dhe të bëjnë çfarë të duan. Pas çdo aludimi të zotit Rama për zotin Basha dhe zotin Meta vjen gjithmonë kur është shumë keq dhe nuk di çfarë të bëjë.
Në vend që shqiptarët të thonë kush e mori rrogën e luftës? Thotë që 59 mijë shqiptarë morën rrogën e luftës, po kush e mori pagën e luftës, I dimë ne emrat, dhe nga sa morën?
Pse si bëjnë publike pse si bëjnë transparente? Kush janë bizneset që u ndimuan me grantet nëpër sistemet bankare shqiptare dhe çfarë përfaqësojnë këto biznese. Por do merren a ka dashuri midis Metës edhe Bashës, a ka dashuri midis Ramës dhe Bashës, këto historitë qesharake.
Merruni me depresionin ekonomik që do të pushtojë Shqipërinë. Kështu që është humbje kohe dhe mos u merrni shumë dhë ju me këto po merruni investigoni se çdo bëjë Rama dhe sa përqindje e sipërfaqes së gjelbërt është kanabis dhe sa është mbjellje speca dhe domate nga shqiptarët për eksport”, tha Kryemadhi.
