Katër muaj më parë që kur koronavirusi u shfaq në Ëuhan të Kinës, sot është shtuar dhe mutacioni i ri, dominues në SHBA dhe duket se është më ngjitës, sipas një studimi të ri të botuar.
Mutacioni i ri filloi të përhapet në Evropë në fillim të shkurtit para se të shpërngulet në pjesë të tjera të botës, përfshirë Shtetet e Bashkuara dhe Kanadën, duke u bërë forma mbizotëruese e virusit në të gjithë globin deri në fund të marsit, shkruajnë studiuesit në Laboratorin Kombëtar të Los Alamos, në një raport prej 33 faqesh të botuar në BioRxiv javën e kaluar, shkruan CNBC, transmeton lajmi.net.
Shpresat janë që koronavirusi të zhduket gjatë verës si gripi sezonal, por nëse jo, ai mund të ndryshojë më tej dhe potencialisht të reduktojë efikasitetin e vaksinave të koronavirusit aktualisht që po zhvillohen nga shkencëtarët në të gjithë botën, paralajmëruan studiuesit.
Disa studiues të vaksinave kanë përdorur sekuencat gjenetike të virusit të marra nga autoritetet shëndetësore në fillim të shpërthimit për të zhvilluar ato.
“Ky është një lajm i hidhur”, shkroi në faqenn e saj në Facebook Bette Korber, biologe në Los Alamos, njëherësh edhe autorja kryesore e studimit.
“Por ju lutemi mos u dekurajoni nga kjo”, vazhdoi ajo. “Ekipi ynë në LANL ishte në gjendje të dokumentonte këtë mutacion dhe ndikimin e tij në transmetim vetëm për shkak të një përpjekje masive globale të testeve klinike dhe grupeve eksperimentale, të cilët bëjnë sekuenca të reja të virusit (SARS-CoV-2) në komunitetet e tyre lokale ”.
Studimi duhet të rishikohet, por studiuesit vunë në dukje se lajmet për mutacionin ishin “shqetësim urgjent” duke marrë parasysh më shumë se 100 vaksina janë në procesin e përgatitjes për të parandaluar Covid-19.
Në fillim të marsit, studiuesit në Kinë thanë se zbuluan se dy lloje të ndryshme të koronavirusit mund të shkaktojnë infeksione në të gjithë botën.