Presidenti i Republikës Ilir Meta, i ftuar në ‘Tempora’, ka komentuar vendimin e Këshillit të Lartë të Gjyqësorit, pas letrës së tij, e cila ka vendosur që t’i drejtohet ndërkombëtarëve për mandatin e Ardian Dvoranit.
Meta ka thënë se ky është një problem fare i lehtë për tu zgjidhur, por kjo çështje tani i përket KLGJ-së dhe ai do të presë përgjigjen zyrtare.
‘Kjo është një nga çështjet më të lehta në botë dhe nuk duhet të ishte vënë në lëvizje nga presidenti. Ishte një çështje që duhet të ishte zgjedhur brenda 24 orësh pas dekretimit të zotit Sadushi si një anëtar i Gjykatës së lartë. Kjo është një çështje fare e thjeshtë, të cilën e zgjidh dhe një student i vitit të parë që e ka marrë 5-n pa mik. Unë kam çuar përgjigje zyrtare, pres përgjigje zyrtare. Unë këtë çështje ja kam dërguar vetëm KLGJ-së. Për mua çdo gjë është e qartë, e vetmja gjë e paqartë është nëse zotëria. Mandati i zotërisë ka përfunduar para 7 vjetësh, por meqë u justifikuan se mbeti vetëm një anëtar ndjeti, sot ne kemi 3 anëtarë dhe mandati i 4 i takon zotit Zaganjori, jo i zotërisë tjetër, por unë pres përgjigje zyrtare’, deklaroi Meta.