Ministrja e Arsimit, Besa Shahini, përmes një video-mesazhi, shprehet se shkollat po hapen vetëm për maturantët pas kërkesave të tyre për konsultime.
Shahini tha se nëse maturantët ndjehen të aftë për të bërë provimet e maturës pa konsultime, atëherë mund të qëndrojnë në shtëpi.
“Nuk është i detyrueshëm vendimi për vajtjen në shkollë, por ata që do të shkojnë duhet të njoftojnë para datës 11 maj drejtorin e shkollës, në mënyrë që të sigurohet distancimi social”, sqaron Shahini.
Më herët, Shahini kishte njoftuar se nxënësit maturantë do të ktheheshin për 3 javë në bankat e shkollës, nga data 18 maj deri në 5 qershor, lidhur me lëndët e provimeve të Maturës Shtetërore.
Çfarë përmban provimi i maturës?
Shahini: Nga data 4 maj, Rezarta Vrapi, drejtore e qendrës së shërbimeve arsimore, çdo ditë do t’ju informojë për detaje të ndryshme të provimit të maturës. Jo vetëm për përmbajtjen e testit por edhe për elementë të administrimit.
Kam frikë të kthehem në shkollë?
Shahini: Kthimi në shkollë nuk është i detyrueshëm. Ne po i hapim shkollat për maturantët pasi ju keni kërkuar të keni konsultime. Nëse e ndjeni se mund ta bënin provimin e maturës pas konsulencë mund të përgatiteni në shtëpi por duhet të njoftoni drejtorin e shkollës paralelisht”.
Jam jashtë vendit, a mund të kthehem për datën 18 maj.
Shahini: Më datë 11 maj, është e mundur të merret një vendim për hapjen e kufijve. Nëse nuk do të ketë një vendim do të merremi me ju individualisht.
A do të ketë mbrëmje të maturës si vjet?
Shahini: Fatkeqësisht jo!
