Kryeministri Edi Rama ka publikuar një grafik me disa të dhëna në lidhje me situatën pandemike në Shqipëri në krahasim me vendet e tjera të rajonit.
Ai shprehet krenar me masat e marra teksa nuk kursen edhe ironitë për kundërshtarët. Rama fton të mbahet ritmi i sjelljes së qytetarëve në lidhje me këtë luftë që e ka quajtur ai.
Në fillimin e pandemisë, Rama u shfaq i frikësuar, ndërsa jepte mesazhe të rënda në rrjetet sociale, duke publikuar edhe foto me arkivolë, ndonëse më pas doli që ato nuk ishin viktima nga koronavirusi.
Më pas Rama shfaqej si babai që po shpëtonte shqiptarët, apo si Zoti që mbronte jetët e njerëzve nga ajo që e quante si “lufta me armikun e padukshëm”.
Shqipëria renditet si vendi i fundit përsa i takon numrit të testimeve lidhur me Covid-19, ndërkohë që 31 qytetarë kanë humbur jetën, referuar shifrave zyrtare të Ministrisë së Shëndetësisë.
Postimi i plotë
ALBANIA THE BEST❤️
Çudi e madhe ëëë?!🤭
Strategji jo, plan jo, teste jo e jo, mjekësi jo që jo, qeverisje jo dhe jo, po ja që kur hap sytë e shikon, na del Shqipëria më mirë se tërë dynjaja deri tani në bilancin e kësaj lufte të mallkuar😁
#KrenarpërShqipërinë🇦🇱 që sot ka këtë bilanc falë popullit të mençur dhe mirëkuptues me qeverinë👐🏿
dhe
#FrikëngaInjoranca🥴 që na rrezikon gjithçka, sa më shumë ky bilanc varet nga sjellja e çdo individi në kushtet e rihapjes🤔
*Të dhënat janë nga Coronavirus Worldometer
