Tanimë që skuadra e Interit është rikthyer në një skuadër pretendente, ngacmimet midis zikaltërve dhe Juventusit nuk janë ndalur gjatë gjithë sezonit.
Kështu së fundmi polemika ka shkaktuar një “like” e presidentit juventin, Andrea Agnelli, ndaj një komenti në Twitter në faqen Juvefc.com.
Një tifoz bardhezi u shpreh që nuk e donte fitoren e kampionatit në tavolinë dhe dëshiron që kampionati të përfundojë. Tifozi shpresonte që Andrea Agnelli të ishte dakord, sepse, siç shtonte “ne nuk jemi si Interi”, duke iu referuar pranimit të kampionatit nga ana e Interit në vitin 2005, pasi Juventusi u dërgua në kategori të dytë si pasojë e skandaleve me arbitrat, i njohur si Calciopoli.
Agnelli i është referuar disa here atij vendimi të ekipit milanez të drejtuar asokohe nga Massimo Moratti, duke treguar se edhe pas 15 vitesh, ai episod nuk është kapërdirë.
— JuveFC (@juvefcdotcom) April 30, 2020
