Në Itali, nga data 4 maj, do të nisë transporti publik pas dy muajsh bllokim. Transporti do të nisë me numër të limituar pasagjerësh, ndërsa rregullat do të jenë strikte.
Ja rregullat strikte në urbanët në Itali:
Në çdo sedilje dyshe do të ulet një person, me distancë minimumi 1 metër nga njëri-tjetri. Pasagjerët në këmbë do qëndrojnë në vende të caktuara të shënuara me adezivë në dyshemetë e mjeteve.
Hyrja ne metro do të jetë 30 persona çdo 30 minuta. Do të ketë dy rrugëkalime me sens unik në stacionet e metrove: për udhëtarët që hyjnë e ata që dalin. Në autobusa do të respektohet gjithashtu distancimi 1 metër. Hyrja do të bëhet e detyrueshme në portat anësore e zbritja në portën qendrore.
Tanimë do të jetë e ndaluar që t’i kërkosh informacion shoferit.
Numri maksimal i udhëtarëve në autobusë do të jetë sa gjysma e numrit të kapacitetit mbajtës.
Në mjetet e transportit publik do të jetë e detyrueshme mbajtja e maskave dhe e dorezave.
Gjithashtu edhe në stacionet, njerëzit do të qëndrojnë vetëm në vendet e caktuara me distancë 1 metër larg njëri-tjetrit.
