Mesfushori i Montpellier, Junior Sambia, rezultoi pozitiv me coronavirus dhe për pasojë gjendja e tij u rëndua. 23-vjeçari pas komplikimeve që pati u mbajt me oksigjen nga stafi mjekësor i spitalit të Montpellies në Francë.
Ndërsa tashmë ashtu siç raporton AFP, futbollisti ka dalë nga kujdesi intensiv dhe madje ka lënë edhe spitalin ndërsa po vazhdon trajtimin në shtëpi për të mposhtur krejtësisht COVID-19.
Në lidhje me gjendjen e tij ka folur edhe presidenti i Montpellier, Laurent Nicollin, i cili ka thënë:
“Unë nuk jam mjek, nuk më takon mua të flas, por ai na frikësoi shumë javën e kaluar. Ne u prekëm dhe dhembëm përkrah lojtarëve. Ai më telefonoi të martën apo të mërkurën dhe ishte një kënaqësi e vërtetë të dëgjoja zërin e tij. Tani, ai po ndihet mirë, duhet të pushojë, por ai po bën më mirë”.
