Personat e infektuar nga koronavirus, nuk mund të infektohen për herë të dytë sipas shkencëtarëve. Imuniteti apo ri-infektimi ndaj Covid-19 është një nga çështjet kryesore që po diskutohet nga ekspertët e shëndetësisë.
Shumë pacientë të shëruar në Kinë, rezultuan përsëri pozitivë ndaj koronavirus, duke ngritur kështu dyshimet se ekziston mundësia e ri-infektimit.
Por, sipas shkencëtarëve, kjo është e gabuar. Është faji i testeve, të cilat duket se janë të gabuara, thuhet në studimin e ri.
Shkencëtarët e Koresë së Jugut, besojnë se testet kanë nxjerrë rezultate të gabuara dhe nuk funksionojnë siç duhet.
Kreu i shkencëtarëve të Koresë, tha:
Rezultatet pozitive të pacientëve të shëruar, janë pasojë e testeve të sakta. Testi nuk ka mundur të bëjë diferencimin e “mbetjeve” të sëmundjes në trup me ri-infektimin aktiv të pacientëve. Pacientët e shëruar, mund të kenë disa gjurmë të padëmshme në trupin e tyre, por virusi është i pa-aktivizuar. Virusi mund të zbulohet në qeliza edhe dy muaj pas rekuperimit të pacientit, është mëse normale. Por, koronavirus nuk mund të shkaktojë sëmundje kronike duke mbetur brenda bërthamës së qelizave.
