Kreu demokrat, Lulzim Basha, tha mbrëmjen e sotme se ndërsa Qeveria nxorri urdhërin për të mos lejuar më shumë se dy veta në një studio emisionesh, në fasoneri u lejuan të punojnë nga 200 apo 300 punëtore.
Basha tha se në këto kohë, Qeveria ka qarë propogandën, ndërkohë që milionat po i shkojnë oligarkëve.
Kreu demokrat tha se kjo qeveri vjedh në kohë pandemie dhe meriton 10 me yll për propogandën që bën.
“Po i vidhen shqiptarëve 400 mln euro përmes inceneratorëve, ku e di gjithë kupola e PS-së që është një aferë korruptive e bandës së Lushnjes me Edi Ramën, Erjon Veliajn dhe Arben Ahmetajn.
Bënë tender për ushqime qensh, por qen shpëtimi nuk kishin, ku vajtën paratë?
Ne si opozitë ishim të parët që kërkuam të merreshin masa, kërkuam vendosjen e gjendjes së jashtëzakonshme, e cila vërtet kufizon liritë e shqiptarëve, por njëherazi detyron Qeverinë që ti paguajë qytetarëve dëmet që i shkaktohen”, tha Basha.
