Mot sot parashikohet me vranësira mesatare dhe të dendura.
Shërbimi Meteorologjik Ushtarak bën me dije se do të ketë reshje shiu me intensitet të ulët deri mesatar në Veri.
Lokalisht reshjet do të marrin formën e shtrëngatave apo stuhive afatshkurtër shoqëruar me shkarkesa elektrike. Në mesditë përfshijnë edhe pjesën qendrore dhe juglindore, ndërsa në jugperëndim me karakter lokal.
Pasdite parashikohet ndërprerja e reshjeve në pjesën më të madhe të vendit, ndërsa në veriperëndim do të vijojnë me intensitet të ulët.
Mjegullinë lokale pranë luginave.
Era do të fryjë me drejtim Juglindje – Jugperëndim e lehtë dhe mesatare në bregdet, duke u shoqëruar me valëzim të forcës 2-3 ballë.
