Drejtoresha e Tatimeve, Delinda Ibrahimaj e ftuar në emisionin Open tha se nga paketa e parë janë dhe 3800 biznese që mund të përfitojnë, por shtoi se ata nuk kanë aplikuar.
Ibrahimaj u shpreh se këta biznese kanë mundësi që të aplikojnë deri të martën dhe tha se numri i të punësruarve është deri në 6500.
“Janë 3800 biznese që nuk kanë aplikuar nga paga e luftës edhe pse do e përfitonin. Do kenë mundësi të aplikojnë deri në ditën e martë të javësh së ardhshme.
Janë rreth 6500 persona që do përfitojnë këtë pagë, por kjo duhet të verifikuar rast pas rasti. Ky është numri maksimal potencial”, tha Ibrahimaj.
Lidhur me pagat e luftës, Ibrahimaj tha se të gjitha pagat e luftës do të merren pavarësisht gabimeve që mund të kenë bërë aplikuesit gjatë aplikimit.
“Ka raste kur aplikuesit bëjnë gabime në aplikim ose kanë vendosur gabim Ibanin e bankës. Kjo ka bërë që paga e tyre mos të procesohet në bankë. Por ftoj biznesin dhe qytetarët që për çdo paqartësi të bëjnë ankesën”- tha Ibrahimaj.
