Spanja po bëhet gati për rifillimin e kampionatit më 7 qershor.
Sipas “Mundo Deportivo”, klubet e La Ligas po punojnë për rifillimin e stërvitjes, që mund të ndodhë që këtë të shtunë, më 2 maj.
Pas takimit të sotëm të Komisionit, që u zhvillua nëpërmjet video-konferncës, është vendosur për fillimin e kampionatit, që mund të ndodhë pas një muaji e gjysmë.
Plani i La Ligas, në pritje që të miratohet nga Ministria e Shëndetësisë ku ndodhet aktualisht për shqyrtim, parashikon rinisjen e stërvitjes në grupe të vogla prej jo më shumë se 8 lojtarësh.
Parashikohet, që në fazën e dytë, stërvitja ekipore e plotë të realizohet më 18 maj.
E gjithë kjo do të bënte të mundur rifillimin e kampionatit më 7 qershor.
