Lulzim Basha, kryetar i PD-së, tha sot se Kryeministri Edi Rama del si klloun dhe bën humor me shqiptarët, në vend që të japë shpjegime mbi tenderat sekretë.
Basha tha se Rama po sillet si një aktor i estradës së Fierit, akuzon dhe sulmon opozitën, ndërsa bën tendera sekretë edhe për letrën higjenike.
“7×7=42, është një lapsus, që u bë në kohën kur unë denoncoja në Kuvend milionat që i jepeshin inceneratorëve. Ai vjedh dhe ne merremi me batutat e Ramës, atëherë ne e miratojmë një klloun kryeministër.
Pse nuk i boton të dhënat për tenderat, por merret me batuta dhe akuza, dhe media merret me batutat e një kllouni”, tha Basha.
Në vijim ai shtoi se nëse vidhet prej 7 vjetësh, atëherë shqiptarët do të jenë pa teste dhe pa ndihma.
“Po i manipulojnë të dhënat në katin e tretë të Kryeministrisë. Nëse do të ishim një shtet normal sot do të kishim ministra me pranga në duar, sot jemi në një regjim që nga njëra anë mashtrohet dhe nga ana tjetër vidhet”, tha Basha.
Sipas tij, Rama mbledhjen e Këshillit të Sigurisë Kombëtare e bën me zoom, ndërsa 300 gra në fasoneri i lejon të punojnë pa asnjë kush sigurie për jetën e tyre.
