23-vjeçari Xhoel Osmenaj ka folur në media lidhur me ngjarjen e mbrëmjes së djeshme, kuj u dhunua nga polici Anxhelo Bardhi dhe shoku i tij.
Për mediat ai ka deklaruar se me personat që e dhunuan nuk ka kaptur konflikt të mëparshëm apo probleme dhe thjesht i njihte si fytyra.
Osmenaj tregon momenti e sherrit ku thotë se i kanë prerë rrugën, i kanë thyer xhamat e makinës me sqepar dhe e kanë dhunuar.
Gazetari sqaron se vajza që kishte në makinë nuk kishte lidhje me ngjarjen.
“Debati dje, pak a shumë siç e thatë edhe juve. Nuk është se kemi patur ndonjë konflikt të mëparshëm, apo problem. Na prenë rrugën kur po parkonim, ku mbidhen tërë gazetarët për të raportuar për COVID-in. Në atë moment dalin dy persona, polici dhe një person tjetër, që kishin një sqepar në dorë dhe filluan të thyenin xhamin para dhe më pas xhamin e pasagjerit dhe më pas po më qëllonin edhe mua. Unë po mundohesha të vetë mbrohesha. Më pas erdhi dhe patrulla e policisë. Me ata persona nuk kemi pasur debate më herët. I njihja si fytyra. Më qëlluan automjetin dhe unë pata disa fraktura. U kapën në atë moment, pa thënë asnjë fjalë. Vajza që kisha në makinë është një e afërmja ime, s’ka lidhje me këtë çështje. Na mbajtën në polici, na pyetën. Edhe vajza u shoqërua.”, tha Xhoel Osmenaj.
Shkak për sherrin dyshohet të ketë qenë se efektivi i rrugores, Anxhelo Bardhi dyshonte se Xhoel Osmenaj dilte me të dashurën e tij.
Kujtojmë se Anxhelo Bardhi pas ngjarjes u pezullua nga detyra dhe u arrestua së bashku me shokun e tij.
