Në dy qarqe të vendit, Gjirokastër dhe Dibër, prej të hënës lehtësohen masat kufizuese, kjo për faktin se pas 50 ditësh karantinë, ato nuk janë prekur nga koronavirusi.
Këto qarqe konsiderohen nga Qeveria si zona të gjelbërta, pra me rrezik të ulët të përhapjes së koronavirusit, ndërsa policia ka zbritur në terren, duke marrë masat lidhur me lëvizjen.
“Qytetarët e zonave të gjelbërta do të kenë një mundësi të re, po edhe përgjegjësinë e re që të mbrojnë veten e të tjerët, në kushtet e një lehtësimi të madh krahasuar me pjesën tjetër të vendit!”, shkruan Kryeministri Edi Rama.
Ndërsa, Policia e Shtetit kërkon bashkëpunimin e qytetarëve, për të respektuar distancimin social, por edhe çdo masë tjetër që parandalon përhapjen e virusit.
Mbas vendimit të marrë nga Komitetin Ndërministror për lehtësimin e masave dhe ndarjen e disa zonave të gjelberta si Prrenjas, Pogradec dhe Librazhd, policia ka ngritur pika kontrolli që do të qarkullojnë në këto zona dhe do të ndalohet qarkullimi me zonat e kuqe.
