Kryeministri Edi Rama ka vendosur që sot të lejohen të dalin vetëm pensionistët, që kanë liri-dalje deri në orën 11:00, ndërsa të gjitha bizneset janë mbyllur.
Kjo është e shtuna e dytë e liridaljes për pensionistët që nga vendosja e kufizimeve në vend.
Ministria e Shëndetësisë dhe Mbrojtjes Sociale edhe dje iu bëri apel qytetarëve:
Të vijojnë të respektojnë masat e distancimit social. Në këto momente kërkohet përgjegjshmëri nga ana e qytetarëve për të respektuar distancën e nevojshme mes njëri tjetrit dhe ruajtjen e higjienës personale.
Është e rëndësishme që masat e kontrollit të infeksionit duhet të respektohen maksimalisht edhe brenda rretheve familjare duke shmangur vizitat tek të afërmit për çdo lloj arsye, për të parandaluar transmetimin e COVID-19.
Nëse keni shenja të sëmundjes COVID-19 telefononi numrin e urgjencës 127.
Për çdo pyetje apo informacion rreth COVID-19 telefononi në linjën e gjelbër 0800 40 40. Mos shkoni menjëherë në spital!
