Rritet në 6 numri i efektivëve të policisë pozitivë me koronavirusin e ri në Kukës. Një ditë më parë u raportua se ka rezultuar pozitiv një punonjës i Policisë së Shtetit. Ndërkohë, mësohet se edhe 5 punonjës së tjerë të policisë kanë rezultuar të prekur.
Në bilancin e njoftuar një ditë më parë nga Ministria e Shëndetësisë u bë me dije se qyteti verilindor ka shënuar 12 raste me COVID që nga fillimi i sëmundjes. Shifër që tanimë rritet me rastet e reja pozitive në radhët e policisë.
