Zv.ministrja e Shëndetësisë, Mira Rakacolli, e ftuar në emisionin “Opinion”, është shprehur se dy vatrat me koronavirus në Krujë dhe në Kurbin janë nën kontroll. Në fjalën e saj, Rakacolli foli edhe për fasoneritë e tjera në zonë, duke pranuar se ato janë një rrezik për përhapjen e pandemisë.
Megjithatë zv.ministrja nuk ka kërkuar mbylljen e tyre por vetëm që të merren masat e përcaktuara të sigurisë.
PJESË NGA EMISIONI:
Rakacolli: Kruja dhe Kurbini janë nën kontroll. Rastet kanë dalë falë një hetimi shumë të mirë. Hetimi ka vijuar me këmbëngulje nga epidemiologët. S’mund të thuash doli jashtë kontrollit.
Eni Vasili: Duhet të jenë hapur apo jo? Risku është fakt tashmë, problemi është se janë edhe 21 fasoneri të tjera.
Rakacolli: Po, janë me rrezik siç thatë ju. Por nëse respektohen masat e distancimit social, atëherë risku minimizohet. Hetimi është i përgjegjshëm. Do tregojë përhapjen dhe gjithçka. Punonjësit kanë edhe një jetë tjetër private. Do tregojë rol edhe puna, sa përgjegjëse ka qenë moszbatimi i punës do e tregojë hetimi. Fasoneritë e mbyllura aty ka patur në mos të infektuar, kontakte.
