Pas SHBA, edhe Gjermania i kërkon Kinës të japë shpjegime për përhapjen e Covid-19.
Ministri për Bashkëpunim Ekonomik dhe Zhvillim i Republikës Federale të Gjermanisë, Gerd Müller, kërkon një përgjigje zyrtare dhe një sqarim të hollësishëm nga Kina mbi pandeminë COVID-19.
Mediet raportojnë se ministri Müller ka kërkuar nga autoritetet kineze të jetë të hapur me Botën.
“Kinezët duhet të jenë transparentë në këtë krizë botërore, veçanërisht në lidhje me origjinën e virusit. Teoria se virusi me përshkrimin kinez, vjen nga një laborator hulumtues në Wuhan duhet të sqarohet, përndryshe humbet besimi para qëndrimit të Pekinit”, tha Müller.
Instituti i virologjisë së Wuhanit (WIV) e kundërshtoi tezën aktuale që virusi Sars CoV2 është një rrjedhje aksidentale, dhe theksoi dhe një herë teorinë eksistuese që virusi i lartpërmendur është shfaqur në tregun famëkeq të Wuhan-it.
