Loris Karius është ankuar te FIFA, për pagat e papaguara që Besiktas ka ndaj tij.
Portieri gjerman, aktualisht është në huazim nga Liverpooli në skuadrën turke, por raportohet se ai dëshiron që kontrata e tij me Besiktas të përfundojë.
Anëtari i bordit të Besiktas, Erdal Torunogullari, konfirmoi se Karius dëshiron të largohet nga skuadra, ndërsa e përshkroi pagesën që gjermani kërkon nga klubi si të pamerituar.
“Ai (Karius) dëshiron që ne ta paguajmë atë për muajt që nuk i ka luajtur. Ai dëshiron të largohet dhe ky është vendimi i tij. Por ne nuk duam të bëjmë një pagesë të pamerituar”.
Tashmë do të jetë qeveria e futbollit botëror, që do të vendosë për paratë që gjermani pretendon por edhe për të ardhmen e tij.
