Kreu demokrat, Lulzim Basha, e cilësoi si shpifje të vjetra, deklarimet nga zyrtarë të PS-së, se i është refuzuar viza në Shtetet e Bashkuara të Amerikës.
“Janë mashtrime të vjetra që i nxjerrin nga sirtari sa herë janë në hall. Janë mashtrime që nxirren nga senduku i Edi Ramës për të tërhequr vëmendjen nga dështimet e Qeverisë, nga mënyra se si ajo po sillet sot me qytetarët dhe bizneset në këtë kohë pandemie”, tha Basha për Abcnews.
Në këtë kuadër, Basha tha se makina e propogandës së Ramës ia ka arritur që të shpërqëndrojë vëmendjen nga problemet reale, duke sulmuar opozitën, ndërkohë që KLSH ka zbuluar se Edi Rama po paratë e shqiptarëve për kontrata lobimi që të sulmojë opozitën.
Duke folur për kontratat e lobimit me kompani amerikane, Basha tha se qëllimi i tyre është që t´i shërbejë interesit publik, që t´i tregojmë partenerëve tanë se këta janë të korruptuar dhe të lidhur me krimin, në mënyrë që nesër të mos shkojë në Shtëpinë e Bardhë, një si Sajmir Tahiri.
