Sipas një studimi të fundit, dyshohet se mund të ketë më shumë se 30 lloje të ndryshme të koronavirusit.Studimi është bërë me pacientë në kinë nga shkencëtarët e Universitetit Zhejiang, që zbuluan disa llojesh koronavirusesh, 19 prej të cilave nuk ishin parë kurrë më parë.
Disa mutacione rritën aftësinë e virusit për të pushtuar qelizat në trup, të tjerët ndihmuan që sëmundja të shumëfishohej më shpejt.
Shtamet më vdekjeprurëse ishin gjenetikisht të ngjashme me ato që janë përhapur në Evropë dhe në New York, njoftoi South China Morning Post.
Autorët thonë se studimi i tyrë i bazuar në vetëm 11 pacientë tregon se mutacioni mund të ndikojë në ashpërsinë e sëmundjes.
Ata besojnë se këto mutacione mund të jenë arsyeja e numrit të madh të vdekjeve në Europë dhe New York.
Ende nuk është e qartë pse versioni agresiv i COVID-19 u përhap në Europë dhe në SHBA.
Por shkencëtarët thonë se viruset kanë pësuar mutacion të vazhdueshëm për të kapërcyer rezistencën e sistemit imunitar në popullata të ndryshme.
