Nënkryetari i PD-së, Edi Paloka, ka thumbuar Kryeministrin Edi Rama, lidhur me vijimin e punës në fasoneri.
Pas shfaqjes së rasteve të reja te punonjëset e fasonerive, Paloka ka publikuar në rrjet në video mbi deklaratat e Ramës, por edhe me pamje nga ajo se çfarë ndodh me punonjësit e fasonerive pasi përfundojnë orarin e punës.
“Babai” që për të shpëtuar milionat e vjedhura është gati të sakrifikoje jetën e kujtdo…”, shkruan Paloka, duke postuar videon e mëposhtme.
Reagimi i nënkryetarit demokrat ka ardhur pasi shumica e rasteve të reja me koronavirus në Krujë janë punonjëse të fasonerisë. PD ka kërkuar disa herë mbylljen e fasonerive, duke i bërë thirrje Ramës që të përfshijë në paketat e ndihmës edhe këtë sektor.
