Ditmir Bushati, ish-ministër i Jashtëm në Qeerinë Rama, shprehet se përballja me epideminë e Covid-19 nuk është një luftë, por një krizë sanitare.
Në një lidhje skype me ‘News24’, Bushati duket se ndan qëndrime të ndryshme me ato të shprehura nga Kryeministri Edi Rama, i cili prej më shumë se 1 muaji flet për luftë me armmikun e padukshëm, që cilëson koronavirusin, ndërsa të infektuarit prej tij si bomba.
“Kemi të bëjmë me një krizë sanitare dhe jo me luftë. Duhet të kemi instrumentet e duhura. Duhet të sigurojmë siguri të plotë”, thekson Bushati.
Një tjetër çështje për të cilën Bushati ndan qëndrime të ndryshme me Ramën janë testimet.
E ndërsa Kryemministri kur flitet për sasinë e testimeve shprehet se ato i vendosin ekspertët, Bushati shprehet se duhet të ketë më shumë testime.
Bushati u shpreh se duhet të vijnë duke u shtuar, në mënyrë që të kemi shtim të punës për gjurmimin e epidemisë.
Kuvendi miratoi dhe ndryshimet që janë bërë për Kodin Penal, duke parashikuar masat deri në heqje lirie. A ishin të nevojshme këto masa?
Kodi Penal është nga ato ligje që amendohen, apo ndryshohen një herë në disa dekada. Në një kohë të zakonshme, i gjithë diskutimi në kodin penal apo civil, duhet të jetë i kujdesshëm dhe procesi duhet të zhvillohet në konsultë. Por ne jemi në një situatë pandemie, të paprecedentë. Është për t’u theksuar se propozimet, u arrit një bashkëpunim politik dhe institucional. Ndaj është momenti që institucionet tona duhet të tregojnë kapacitet për të zbatuar kodin. Është me rëndësi që në këtë kontekst, që të kemi dhe aspektin edukativ të kësaj situate. Jo thjesht rregullat që publikoi këshilli i Evropës, për mënyrën se si të sillen shtetet, kjo nuk bëhet vetëm me ligje dhe akte, por dhe përmes edukimit. Sot u bëmë dëshmitarë të ushtrimit apo të manifestimit të një qytetarie nga një brez i moshuar, që është rritur në diktaturë. Është detyra jonë që për brezin tjetër, të punojmë më tepër. Kemi të bëjmë me një krizë sanitare dhe jo me luftë. Duhet të kemi instrumentet e duhura. Duhet të sigurojmë siguri të plotë.
Cila masë është e ekzagjeruar sipas jush? Nëse ka një të tillë për ju?
Bota sot, vendet evropiane po ndahen në dy kategori. Në rast se vendet tona do të shkojnë drejt përmirësimit të demokracisë liberale, që e kemi zgjedhur që në 90 dhe se kemi ndërtuar ende. Dhe vendet që kanë kaluar në masa ekstreme që kanë synuar për të asfiksuar jetën politike në vend dhe lirinë e mediave. Kemi vend lider si gjermania, që vendosi se e drejta e protestës është e lejuar dhe në këtë situatë. Nuk jam ekspert që të jap sugjerime se cila prej masave ishte më e mirë dhe e ekzagjeruar. Është betejë psikologjike. Le të mos të bëjmë grindavecin për këto elemente. Të fokusohemi tek pylli dhe jo tek një pemë e veçantë. Shpresojmë që testimet të vinë duke u shtuar dhe të kemi shtim të punës për gjurmimin e epidemisë. Sidomos në qendra të caktuara vlerësohen ritet e dikurshme, apo në qendrat e punës. Shpresoj që një gjë e tillë të shoqërohen me investime.
