Nga Gjergji Thanasi
Prokuroria e Roterdamit vetëm të premten, më 17 prill 2020, bëri publik një aksion antidrogë të policisë holandeze. Në 10 prill në një magazinë në qytetin Best policia dhe dogana holandeze ushtruan kontroll në dy kontejnerë të ardhur nga Porti de Santos i Brazilit.
Përvec një ngarkese manganezi në kontejnerë u gjendën edhe 1459 Kg. kokainë e pastër (vlera e shitjes me pakice e kokaines = 120 milion euro). Droga do të nxirrej nga kontejnerët duke përdorur metodën “Rip Off”, pa dijeninë e firmës pritëse të manganezit.
U arrestuan 5 persona, që kishin lidhje me këtë sasi kokaine, përkatësisht: një shtetas kosovar nga Peja 33 vjec, një tjetër shtetas kosovar 35 vjec nga fshati Mirushë , një turk 42 vjecar, një francez 32 vjecar si edhe një lushnjar 43 vjecar.
Linku original i lajmit: https://www.ad.nl/rotterdam/vijf-verdachten-aangehouden-na-vondst-1459-kilo-cocaine~af1f3300/
/gazetaimpakt
