Kanosi lushnjarin me një shufër hekuri, arrestohet 28-vjeçari nga Kamza. Ngjarja ka ndodhur në lagjen “Çlirim” të Lushnjes, ndërsa policia thotë se konlikti mes shtetasit I.B, 28 vjeç, dhe A.M, banues në Lushnje, ka ndodhur për motive të dobëta.
Nga kontrolli në automjetin e tij policia gjeti një shufër metalike, e cila u sekuestrua në cilësinë e provës materiale. Materialet i kaluan Prokurorisë pranë Gjykatës së Shkallës së Parë Lushnjë për veprat penale “Kanosje” dhe “Mbajtja pa leje e armëve të ftohta”
“Specialistët për Hetimin e Krimeve në Komisariatin e Policisë Lushnjë, arrestuan në flagrancë shtetasin: I. B., 28 vjeç, banues në Kamëz, Tiranë. Arrestimi i këtij shtetasi u bë pasi në lagjen “Çlirim”, Lushnjë, për motive të dobëta ka kanasur shtetasin A. M., banues në Lushnjë.
Nga kontrolli i ushtruar në automjetin tip “Audi” në pronësi të 28-vjeçarit, u gjet një shufër metalike, e cila u sekuestrua në cilësinë e provës materiale. Materialet i kaluan Prokurorisë pranë Gjykatës së Shkallës së Parë Lushnjë për veprat penale “Kanosje” dhe “Mbajtja pa leje e armëve të ftohta”, njofton policia.
