Manuel Neuer dhe Bayern Munich janë gjithnjë e më larg njëri-tjetrit. Tentativa për të rinovuar kontratën e portierit ka dështuar përsëri dhe palët nuk kanë gjetur një marrëveshje.
Sipas asaj që raporton “Kicker”, pas kësaj tentative nuk ka gjasa që të ketë më bisedime sa i përket rinovimit. Kontrata aktuale e Neuer skadon vitin e ardhshëm dhe nëse portieri nuk largohet nga Bayern në verë, atëherë do të jetë lojtar i lirë vitin e ardhshëm.
Spekulime ka pasur rreth një largimi dhe ekipi që ka shfaqur interes ka qenë Chelsea, me Blutë që pritet të largojnë Kepan dhe janë në kërkim të një portieri.
