Aktivisti i shoqërisë civile, Adriatik Lapaj, ka denoncuar rradhët e gjata te Drejtoria e Policisë së Tiranës, ku me dhjetra qytetarë janë thirrur nga komisionet administrative pas ankesave për gjobat jo të drejta të aplikuara nga forcat e rendit me arsyet e shkeljes së karantinës.
Lapaj, me profesionin avokat, i drejtohet Kryeministrit Edi Rama me një apel.
“Problemi Z. Edi është që këta janë gjobitur pikërisht mos të krijonin grumbullime, ndërkohë që çdo ditë ju i thërrisni në komision fizikisht.
Nuk mund të bëhej kjo procedurë online? Pra, komisioni dhe qytetari online? Në rastet kur kjo nuk mundej të pezulloheshin procedurat si në kohë pandemi që jemi? Ne pezulluam gjykatat nuk pezullokemi dot komisionet administrative?”, shkruan Lapaj.
Postimi i Adriatik Lapaj
Letra:
DREJTUAR Z. KRYEMINISTËR!
Z. Edi kjo radha në foto është radha e qytetarëve që kanë marrë gjoba për shkelje të karantinës. E kanë ankimuar vendimin. Deri këtu nuk ka asnjë gjë të jashtëzakonshme…
Problemi Z. Edi është që këta janë gjobitur pikërisht mos të krijonin grumbullime, ndërkohë që çdo ditë ju i thërrisni në komision fizikisht.
Nuk mund të bëhej kjo procedurë online? Pra, komisioni dhe qytetari online? Në rastet kur kjo nuk mundej të pezulloheshin procedurat si në kohë pandemi që jemi? Ne pezulluam gjykatat nuk pezullokemi dot komisionet administrative?
Z. Edi edhe dëgjo se kjo luftë hyn te kategoria e atyre që nuk fitohen me militantë apo servil.
Adriatik Lapaj, avokat
