Pasi ekonomia e futbollit të njohë plotësisht humbjet të shkaktuara nga COVID-19, tregu i transferimeve të lojtarëve me gjasa nuk do të jetë i njëjti. Kjo do të thotë që transfertat e lojtarëve do të bëhen në një mënyrë pak më të ndryshme nga sa ka ndodhur deri më tani.
Ndjekja që Barcelona i ka bërë Lautaro Martinez-it, do të jetë një marrëveshje e tillë që do të preket nga pandemia, duke detyruar katalanasit të gjejnë një mënyrë tjetër për ta realizuar.
Së fundmi “La Gazzetta dello Sport”, ka raportuar se Interi po shqyrton mundësitë për të zëvendësuar Martinezin ku një prej alternativave është Antoine Griezmann.
Sipas gazetës italiane, klauzola e lirimit të argjentinasit është 111 milion euro, ndërsa e francezit është 120 milion. Interi po pret që Barcelona të bëjë një propozim përpara se të fillojnë negociatat, ndërsa zikaltërit e shohin diferencën e vlerës së lojtarëve si minimale e për pasojë dëshirojnë një shkëmbim “kokë më kokë”.
Por siç ka raportuar “Marca”, këto ide nuk i shkojnë përshtat katalanasve, të cilët nuk duan ta përfshijnë Griezmann në asnjë marrëveshje.
Nga ana tjetër pavarësisht këmbënguljes së Barcelonës, zikaltërit, nuk duan të heqin dorë nga shërbimet e argjentinasit, me Javier Zanetti-n i cili ka deklaruar se lojtari është i lumtur në “Giuseppe Meazza”, duke ia lënë “topin” kështu skuadrës spanjolle.
