Kuvendi i Shqipërisë, me propozim të dy deputetëve socialistë, pritet të miratojë ndryshimet në Kodin Penal, që parashikojnë deri në 15 vjet burg, për shkelësit e karantinës në rast epidemish.
Kryeministri Edi Rama paralajmëroi javën e kaluar ndryshimet në Kodin Penal, duke u shprehur se lirimi i masave me pikatore do të shoqërohet me ndëshkime të ashpra ndaj shkelësve të karantinës. Madje, ai përmendi se dënime të tilla aplikohen edhe në Europë.
Por Pëllumb Nako, ish-drejtues i lartë i Policisë së Shtetit, ka renditur një pjesë të konsiderueshme të vendeve europiane, ku në asnjë prej tyre nuk parashikohen dënime kaq të ashpra.
Të vetmet vende që parashikojnë dënime me burg deri në 5 vjet janë Rusia dhe Bullgaria, Spanja parashikon deri në 1 vit burg, Norvegjia 10 ditë, ndërsa Zvicra dhe Luksemburgu gjoba që arrijnë deri në mbi 4000 euro.
Reagimi nga Pëllumb Nako
Dënimet për shkelje të karantimit në disa vende perëndimore janë si me poshtë. Ndërsa në Shqipëri 15 vite burg kush shkel karantinën dhe infekton të tjerë, pra kështu do vendos parlamenti shqiptar afatin e dënimit të parashikuar në kodin penal. Dhe u tha që masa të tilla janë vendosur edhe në vende të ndryshme të Europës. Por nuk është aspak kështu.
Më poshtë po paraqesim disa shteteve:
– Franca: 3700 euro gjobë dhe maksimalisht 6 muaj burg.
– Italia: 3 000 euro gjobë dhe 5 vite burg.
– Belgjikë : 500 euro edhe burg nga tetë ditë në tre muaj.
– Spanjë: gjobë nga 100 deri në 600 000 euro deri në një vit burg.
– Zvicra : gjobë deri në 5000 franga zviceriane.
– Luksemburg: Gjobë nga 145 deri më 4000 euro gjobë.
– Norvegji: Gjobë 1250 euro dhe nëse nuk e paguan kryen 10 ditë burg.
– Austri: Gjobë deri më 2000 euro.
– Bullgaria: Gjobë nga 500 euro në 5000 euro deri në 5 vite burg.
– Rusia : gjobë deri në 80.000 rubla dhe deri në 5 vite burg kur shkaktohet viktimë.
– Polonia: gjobë nga 5000 në 30 000 zllotis.
– Hong Kong : gjobë , 6 muaj burg.
– Gjermania nuk e ka vendosur sitemin e karantinës të plotë.
– Hollanda nuk ka aplikuar karantimin.
Pra siç shikohet nga shtetet e mësipërme asnjë vend nuk ka masa kaq të larta dënimi, aqsa do miratojë mazhoranca e PS.
