Italia shënoi 24 orët e fundit 431 të vdekur, shifra më e ulët e regjistruar prej shumë ditësh, referuar komunikatës që Departamenti i Mbrojtjes Civile i jep medieve para se të dalë në konferencën e orës 18.00.
Në total ka shkuar në 19.899 numri i viktimave. Një ditë më parë ishin 619 të vdekur, ndaj shifra e sotme shikohet si mjaft më optimiste, pasi janë 188 vdekje më pas se 24 orët e para.
Sakaq numërohen edhe 4.092 njerëz të infektuar që u identifikuan vetëm në 24 orët e fundit që e çon në 156.363 numrin e tyre të përgjithshëm.
Ndërkohë janë konfirmuar si të shëruar sot edhe 1.677 njerëz duke e çuar në 34.211 numrin e përgjithshëm të pacientëve që e kanë mundur koronavirusin. Në terapi intensive në të gjitha spitalet e Italisë gjenden 3.343 pacientë.
