Në Itali, Departamenti i Mbrojtjes Civile publikoi tani të dhënat e 24 orëve të fundit për të infektuarit, jetët e humbura dhe të shëruarit. Raportohen 619 të vdekur dhe 4.694 të infektuar.
Ka shkuar në 19.468 numri i viktimave dhe në 152.271 numri i të infektuarve. Gjatë 24 orëve të fundit u shëruan 20.79 njerëz duke e çuar në 32.534 numrin e përgjithshëm të të infektuarve që e mundën koronavirusin.
Një ditë më parë ishin 570 të vdekur dhe 3.951 të infektuar që u evidentuan përmes testeve në të gjithë Italinë, raporton noa.al duke cituar Departamentin e Mbrojtjes Civile në Itali që publikoi të dhënat e përditësuara. Në total deri dje regjistroheshin 147577 të infektuar, 18849 të vdekur dhe 30455 të shëruar.
Dalin dhe shifrat e Lombardisë
Më herët sot pasdite, rajoni i Lombardisë, më i prekuri nga koronavirusi në Itali, raportoi shifrat e 24 orëve të fundit duke evidentuar se ka shkuar në 57.592 numri i të infektuarve dhe 10.511 numri i të vdekurve nga COVID-19.
Vetëm në 24 orët që lamë pas humbën jetën 273 persona, kurse u identifikuan edhe 1.544 shtetas të infektuar.
Në spitale gjenden 12.026 persona, ndër të cilët 1.174 në terapi intensive, raporton noa.al.
Raportohet se janë shëruar gjithsej 16.823 persona, ndërsa bëhet e ditur se janë bërë gjithsej 196.302 tamponë për të evidentuar të infektuarit.
