“Më bëri përshtypje veshja, më tha ik se kam armë”/ Zbardhet dëshmia e efektivit të Shqiponjave për plagosjen

Një plagosje e dyfishtë ndodhi mesditën e sotme në Tiranë, ndërsa njëri prej personave ishte Orges Bilbili, i shpallur në kërkim prej 3 vitesh.

Ky i fundit është përballur me një efektiv të repartit Shqiponja, i cili fillimisht i ka kërkiuar leje daljen dhe më pas dokument identifikimi, por që sipas të dhënave tashmë të publikuara, qytetari nuk ia ka dorëyuar efektivit dhe është larguar me shpejtësi.

Brenda pak minutash ngjarja ka precipituar, pasi oficeri i policisë e ka ndjekur me vrap, dhe në kushtet e vetëmbrojtjes, sikundër u shpreh edhe Drejtori i Policisë së Tiranës, ka qëlluar mbi qytetarin, i cili i ka drejtuar një armë efektivit.

Rastësisht nga plumbat ka mbetur e plagosur edhe një kalimtare.

Ndërkohë gjatë marrjes në pyetje të oficerit të policisë ai ka dhënë dëshminë e tij mbi ngjarjen.

Burime policore bëjnë të ditur se ofoceri i Shqiponjës nuk e ka ditur se kush ishte personi që e ka ndalur për verifikim.

LEXO EDHE  Dy shqiptarë përfundojnë në qeli, kundërshtuan policinë kosovare në Morinë

“Më ka bërë përshtypje veshja e tij. Ishte i veshur sportive, me kapuç në kokë, dhe kishte një çantë”, mësohet të jetë shprehur në dëshminë e parë efektivi i policisë.

Burimet bëjnë me dije se pasi e ka ndaluar dhe i ka kërkuar leje daljen, në kushtet e gjendjes kur çdo qytetar që lëviz duhet të pajiset me një të tillë, efektivi gjithashtu i ka kërkuar kartën e identitetit, por edhe e ka pyetur se çfarë kishte në çantë.

“Ik se kam armë dhe do të qëlloj”, thuhet në dëshminë e policit, duke iu referuar mënyrës sesi qytetari, i cili më pas rezultoi Orges Bilbili, ka reaguar.

Ndërkohë që hetimet për ngjarjen vijojnë, raportohet se dy të plagosurit, Orges Bilibili, dhe kalimtarja, M.P, janë jashtë rrezikut për jetën.

Bilbili mësohet se i është nënshtruar edhe operacionit në spitalin e Traumës.