Klubi i Milanit ka nisur bisedimet me agjentin e mesfushorit Sandro Tonali, për një lëvizje të mundshme në “San Siro”.
Tonali është një nga talentet më të kuotuar të futbollit italian, i cili ka tërhequr vëmendjen e disa klubeve më të mëdha të Europës.
Sipas gazetarit të Calciomercato.com, Daniele Longo, kuqezinjtë në mënyrë surprizë tashmë udhëheqin garën për shërbimet e 19-vjeçarit, duke përfituar edhe nga fakti që djaloshi është një fans i Milanit që në vogëli.
Të interesuar për Tonalin, janë dy gjigandët e futbollit anglez, Liverpooli dhe Man.United, ndërsa në Itali lojtari ndiqet edhe nga Juventus e Interi.
Milani ndryshe nga këto skuadra mendon që ka në avantazh lidhjen e afërt emocionale të lojtarit me klubin dhe gjithashtu mund t’i ofrojnë Tonalit një vend në formacionin bazë, diçka e vështirë për klubet e tjera.
https://twitter.com/86_longo/status/1247982848046489602?ref_src=twsrc%5Etfw%7Ctwcamp%5Etweetembed%7Ctwterm%5E1247982848046489602&ref_url=https%3A%2F%2Fsempremilan.com%2Fcm-ac-milan-step-up-pursuit-of-e50m-juventus-target-tonali-by-opening-talks-with-agent
