Ibrahimovich rikthehet në stërvitje, sulmuesi i bashkohet klubit suedez

Klubi suedez i Hammarby, ka zbuluar se sulmuesi i Milanit, Zlatan Ibrahimovic, mori pjesë në një seancë stërvitore me klubin ndërsa Italia vazhdon të jetë e bllokuar.

Drejtori sportiv i klubit, Jesper Jansson, konfirmoi se 38-vjeçari, i cili zotëron 25 përqind të aksioneve të klubit, mori pjesë në seancën stërvitore pas dyerve të mbyllura.

“Zlatan ishte në shtëpi në Stokholm me familjen e tij dhe kishte dëshirë të prekte topin përsëri,” ka thënë Jansson në faqen zyrtare të Hammarby. “Ne kemi kryer seanca trajnuese në mënyrë vullnetare por të hënën do të kthehemi në seancat e grupit dhe Zlatan është i mirëpritur të stërvitet me ne.”

Fushat e futbollit janë të paarritshme për momentin në Itali, ndërsa e ardhmja e 38- vjeçarit në Milano është akoma e paqartë, pasi kontrata e tij me kuqezinjtë skadon këtë verë.

LEXO EDHE  Sonia Isaza është “bishë”, fansat dhe Vidali do tërbohen nga e kuqja