Për shkak të përhapjes në masë të koronavirusit, Federata Italiane e Basketbollit ka shpallur zyrtarisht anulimin e kampionatit të basketbollit LBA (Lega Basket Serie A).
Lajmin e konfirmoi mbrëmjen e djeshme, Presidenti i Federatës Italiane të Basketbollit, Gianni Petrucci. 74-vjeçari deklaroi se ka ardhur koha të vendoset jeta e njerëzve në plan primar dhe të mendohet vetëm për sezonin e ardhshëm.
Një lajm ky që shihet edhe një kërcënim për futbollin në Itali, me Serinë A që mund të ndjekë të njëjtin fat edhe pse Federata e Liga duan me çdo kusht ta rinisin sezonin.
Në Itali, situata e krijuar nga coronavirusi është shumë tragjike, ku numërohen 17,127 të vdekur, ndërsa numri i rasteve të konfirmuar me Covid-19 ka shkuar në 135,586 mijë persona.
