E vetëkarantinuar, ambasadorja Kim nis takimet virtuale nga Shkodra/ Ja foto që poston në rrjet

Ambasadaorja amerikane në Tiranë, Yuri Kim, e cila po respekton rregullat e vetëkarantinimit në situatën e pandemisë botërore të Covid-19, ka zgjedhur një mënyrë të veçantë për të vijuar kontaktet me drejtues në nivel lokal në të gjithë vendin.

Ndërsa një ditë më parë pati takime virtuale me Presidentin, Ilir Meta, Kryeministrin Edi Rama dhe kreun e PD-së, Lulzim Basha, sot diplomatja amerikane njofton në rrjetet sociale se do të ketë takime virtuale me drejtues nga mbarë vendi dhe ka interes për ta njohur më shumë Shqipërinë.

Ambasada njofton sot se “në këtë periudhë të COVID-19, kur nuk është e mundur të dalësh, Ambasadorja Kim nuk dëshiron që distancimi social ta pengojë atë së mësuari më shumë mbi Shqipërinë.

LEXO EDHE  Spiropali-Shabanit: Të ha për mëngjes e me çfarë të duash

Gjatë javëve në vijim, ajo do takohet virtualisht me drejtues në mbarë vendin, për të dëgjuar mbi zhvillimet në rajonet e tyre.

Duke qenë se Ambasadorja Kim nuk mund të vijë tek ju për momentin, a mund të na ndihmoni për të sjellë rajonin tuaj pranë saj?

Ndani me ne një foto nga celulari juaj të komunitetit ku jetoni dhe tregojini Ambasadores se çfarë duhet të shohë kur të vizitojë qytetin tuaj. Qyteti i parë: Shkodra!”