Pavarësisht se ndodhet në terapi intensive, kryeministri britanik, Boris Johson, paraqet një gjendje shëndetësore më të mirë se shumë pacientë të tjerë, në Britaninë e Madhe.
Burime nga spitali “St Thomas”, ku po kurohet nga koronavirusi, Kryeministri Boris Johnson, shprehen për “The Times” se ai nuk ishte vendosur në aspirim, por i nevojiteshin 4 litra oksigjen.
“Johnson, 55 vjeç, nuk është intubuar – ku një tub futet në trake përpara aspirimit, por i duheshin 4 litra oksigjen në kujdesin intensiv. Pragu normal për kujdes intensiv është 15 litra, duke thënë se që ai ishte në gjendje më të mirë se pacientët e tjerë në përgjithësi”, thanë burime spitalore për median britanike.
“The Guardian” tha se një shtrat spitalor ishte duke u përgatitur për Johnson qysh të enjten e kaluar.
Lajmi i parë që Boris Johnson ishte i sëmurë me koronavirus erdhi të enjten në mëngjes. Që prej asaj kohe një shtrat ishte duke u përgatitur në spitalin e “St Thomas” për kryeministrin, gjendja e të cilit ishte përkeqësuar gjatë periudhës së tij shtatë ditore të izolimit në Rrugën Doëning.
