Një ngjarje e rëndë që ka ndodhur në Itali ka pushtuar faqet e para të gazetave në mbarë botën. Një infermier i quajtur Antonio de Pace vrau të dashurën e tij Lorena Quaranta, 27 vjeçe, doktoreshë në Itali.
Mediat e huaja raprtojnë se infermieri e ka mbytur të dashurën pasi dyshonte se ajo i ka ngjitur atij koronavirusin. Të dy punonin në Siçili dhe ishin angazhuar për të ndihmuar në epideminë e koronavirusit. Por testimet kanë treguar se të dy ishin negativë.
Dyshimet janë se 28-vjeçari i ka bërë komentet e para për ngjarjen në gjendje deliri. Pasi është kthjelluar, mësohet se ai ka thënë se nuk e di pse e ka kryer krimin e rëndë. Pas ngjarjes, ai tentoi vetëvrasjen.
