“Qeveria të rrisë numrin e testimeve. Çdo ditë e humbur kushton jetë”, shprehet kreu demokrat, Lulzim Basha, ndërsa i drejton një apel Qeverisë për të ndryshuar strategjinë lidhur me atë që konsiderohet si lufta ndaj Covid-19.
Basha shprehet se për të evidentuar të prekurit nga COVID-19, dhe për të shkëputur zinxhirin e transmetimit, Qeveria duhet të rrisë numrin e testimeve, si rruga e vetme.
“Numri i ulët i testimeve fsheh të vërtetën dhe kushton jetë!
Sa më pak testime, aq më pak persona të identifikuar, aq më shumë zgjatet zinxhiri i infeksionit, dhe rritet numri i të infektuarve dhe i viktimave.
Sa më pak testime aq më gjatë vazhdon karantina dhe thellohet kriza ekonomike.
Duhet vepruar tani, çdo ditë e humbur kushton jetë!”, shkruan Basha në rrjetet sociale.
